காந்தித் தாத்தா, உன் கனவெல்லாம் அம்பேல்தான் ......

அஸ்ஸாமில் ஒரு அராஜகம் – கானல் நீராகும் காந்தியின் கனவு

கௌஹாத்தி நகரில் ஒரு விடுதியின் வெளியே ஒரு பெண்ணை ஐம்பது பேர் கொண்ட ஒரு கும்பல் பாலியல் கொடுமைக்கு உள்ளாக்கியுள்ளது. முக்கிய சாலையில் நடைபெற்ற இந்த நிகழ்வை யாரும் தடுக்க முன்வரவில்லை என்பதும் மாறாக சிலர் இந்த கொடூர நிகழ்வை புகைப்படமும் வீடியோவும் எடுத்துக் கொண்டிருந்தனர் என்பதும் அதனை இணையதளத்தில் உலவ விட்டார்கள் என்பதும் மிகவும் வேதனையானது. காவல்துறையும் திரைப்படங்கள் போல கால தாமதமாகவே வந்து சேர்ந்துள்ளனர்.

நடந்த கொடுமையை தடுக்க இயலாத காவல்துறை இப்போது குற்றவாளிகளின் படத்தை பேனர் போட்டு கண்டுபிடித்து தருமாறு மக்களுக்கு வேண்டுகோள் விடுத்துள்ளது. மம்தா பானர்ஜி செய்வது போல அந்தப் பெண்ணையே குற்றவாளியாக சித்தரிக்காமல், ஜெ அரசு போல திருக்கோயிலூர் சம்பவத்தில் தொடர்புள்ள காவலர்களை பாதுகாக்காமல் இந்த அளவாவது செயல்படுவது பரவாயில்லை.

ஒரு பெண் நள்ளிரவில் நகைகள் அணிந்து கொண்டு தன்னந்தனியாக செல்லும் நாள் வரும் போதுதான் இந்தியாவிற்கு சுதந்திரம் கிடைத்ததாக பொருள் என்று மகாத்மா காந்தி கூறினார். காந்தியின் கனவு கானல் நீராகவே நீடிக்கும் போலத் தான் தெரிகிறது.