அந்த பயம் இருக்கட்டும்

மும்மொழிக் கொள்கையை திணிப்போம் என்று சொல்லிய “புதிய தேசியக் கல்விக் கொள்கை” யின் வரைவிலிருந்து  தமிழகத்தில் இந்தி படிக்க வேண்டும் என்ற அம்சத்தை நீக்கி விட்டதாக  மத்தியரசு அறிவித்துள்ளதாக செய்திகள் வந்துள்ளது.

நல்லது.

தமிழகத்துடன் மீண்டும் மீண்டும் மோதி மூக்கை உடைத்துக் கொள்வதை இனியாவது மத்தியரசு நிறுத்திக் கொள்ளட்டும்.

எடுபிடி மூலமாக எட்டு வழிச்சாலை, ஸ்டெரிலைட் போன்றவற்றை திணிக்கும் வேலைகளையும் நிறுத்தட்டும்.

தமிழர்கள் மீதான உங்கள் பயம் தொடரட்டும்.

பிகு:

இந்தி விரும்புபவர்கள் படித்துக் கொள்ளட்டும். எந்த ஒரு மொழியையும் யாரும் இங்கே எதிர்க்கவில்லை. எங்கள் மீது வேறு மொழியையையோ, கலாச்சாரத்தையோ திணிப்பதை ஆக்கிரமிப்பாகவே கருத முடியும். அந்த ஆக்கிரமிப்பை தகர்த்தெறிய போராடுவோம்.

கலைஞரின்றி தமிழக வரலாறில்லை

ஒரு அனாமதேயத்தின் பின்னூட்டமே (நீக்கப்பட்டு விட்டது)  இந்த  பதிவை எழுதத் தூண்டியது.

இன்று கலைஞரின் பிறந்த நாள்.

அவரின்றி அவர் குடும்பத்தாரும் அவரது இயக்கத்தினரும் கொண்டாடக் கூடிய முதல் பிறந்த நாள்.

தமிழகத்தைப் பொறுத்தவரை எந்த அளவிற்கு போற்றப்பட்டாரோ அதே அளவிற்கு தூற்றப்பட்டவரும் அவர்தான். அவருடைய பலம் என்று ஒரு பட்டியல் போட்டால் அதே அளவிற்கு பலவீனங்களும் இணைந்து வரும்.

அவருடைய பேச்சுக்களும் எழுத்துக்களும் எந்நாளும் அவரை நினைவு படுத்திக் கொண்டே இருக்கும். அவரது அயறாத உழைப்பும் கூர்மைத் திறனும் அனைவருக்குமான ஒரு உதாரணம்.

அவரில்லாத தமிழகம் சுவாரஸ்யம் இழந்துள்ளது என்பதை யாரும் மறுக்க மாட்டார்கள் என்று நம்புகிறேன். அது போல அவர் இல்லாமல் யாராலும் தமிழக வரலாற்றை எழுதவும் முடியாது.

தமிழகத்தின் தவிர்க்க இயலாத முக்கியமான ஆளுமையான கலைஞரின் நினைவாக அவரது வசனத்தில் வந்த ஒரு காட்சியும் ஒரு பாடலும்.

இதுவும் ஒரு கோர்ட் சீன்தான். ஆனால்

ஓ! ரசிக்கும் சீமானே

பின் குறிப்பு  1

எத்தனை முறைதான் பராசக்தி கோர்ட் சீனையே (எத்தனை முறை பார்த்தாலும் அலுக்காது என்பதும் இன்றைக்கும் பொருத்தமானதும் என்பது வேறு விஷயம்)  பகிர்ந்து கொள்வது. அதனால்தான் இந்த முறை மாற்றி விட்டேன்.

பின் குறிப்பு 2

கடந்த வருடம் ஒரு சென்னைப் பயணத்தின் போது கடற்கரைச் சாலை வழியே செல்ல நேரிட்டது. அன்றைக்கு அரை மணி நேர அவகாசமும் கிடைத்தது. அந்த சந்தர்ப்பத்தைப் பயன்படுத்திக் கொண்டு கலைஞர் நினைவிடத்திற்குச் சென்றேன்.

மரணத்திற்குப் பின்னும் அவர் பெற்ற வெற்றியையும் எடுபிடி அடிமை அரசின் சில்லறைத்தனத்தையும்  அந்த நினைவிடம்  காலம் முழுதும் சொல்லிக் கொண்டே இருக்கும்.

பின் குறிப்பு 3

மேலே உள்ள ஓவியம் ஓவியர் தோழர் ரவி பாலேட் அவர்கள் தீட்டியது. அவருக்கு நன்றி சொல்லி பகிர்ந்து கொள்கிறேன்.

பின் குறிப்பு 4

கலைஞர் நினைவிடத்திற்குச் சென்றாலும் சசிகலா ஓங்கியடித்து சபதம் செய்த, ஓபிஎஸ் தர்ம யுத்த நாடகம் நடத்திய ஜெ நினைவிடத்திற்குச் செல்ல வேண்டும் என்று தோன்றவேயில்லை.

இது வேற ராஜா . . .

நேற்றைய இரண்டு இளையராஜா பதிவுகளுக்கு முற்றிலும் வேறுபட்டது இந்த பதிவு. நாட்டுப்புறப் பாட்டுகளுக்கும் கொஞ்சம் மேற்கத்திய இசைப்பாடல்களுக்கும் அப்படியே வேறுபட்டவை இவை. 

கர்னாடக சங்கீத அடிப்படையில் இளையராஜாவின் இசையில் வந்த பத்து பாடல்கள் இவை. இதில் ப்ரவபாரமா மட்டும் தியாகராஜர் கீர்த்தனை. 

ஸ்ரீதேவி என் வாழ்வில் அருள்

ப்ரவபாரமா ரகுராமா

தரிசனம் கிடைக்காதா?

இன்னொரு தரிசனம் கிடைக்காதா?

தோகை இளமயில் ஆடி வருகுது

போருக்கு பின் அமைதியல்ல, இசை

வேதம் நீ, இனிய நாதம் நீ

காற்றில் வரும் கீதமே

ஆடல் கலையே

நாத வினோதங்கள்

மாலை இன்னொரு ராஜா பதிவு உண்டு

முற்றிலும் மாறான . . .

ராஜாவின் நாளான இன்று 
அடுத்த பத்து பாடல்கள் . . .

நாட்டுப்புறப் பாடல்களுக்கு முற்றிலும் மாறான பாடல்கள் இவை

சொர்க்கம் மதுவிலே . . .

ஆசை நூறு வகை

என்னடி மீனாட்சி?

பூ போலே உன் புன்னகையில்

ஒரு இனிய மனது

மேரி பியாரி, தில் கி ராணி

நேற்று இந்த நேரம் . . .

தோளின் மேலே பாரம் இல்லை

நானே ராஜா, நீதான் ரோஜா

தேவன் கோயில் தீபம் ஒன்று

ராஜாவின் நாள் இன்று . . .

இன்று அரசியல் பதிவுகளுக்கு விடுமுறை.

இளையராஜாவின் பிறந்த நாளை முன்னிட்டு அவரது பாடல்களோடு இன்றைய பதிவுகள் இருக்கும்.

நாட்டுப்புறப் பாடல்களோடுதான் அவரது பயணம் தொடங்கியது. அதனால் முதல் பதிவு பத்து நாட்டுப்புற பாடல்கள். அன்னக்கிளி, 16 வயதினிலே பாடல்களை தவிர்த்துள்ளேன். 

எங்க ஊரு பாட்டுக்காரன்

புது வண்ணங்கள் கொஞ்சிடும் சோலை

அடட மாமரக் கிளியே

கோட்டையை விட்டு வேட்டைக்கு போகும்

தென்ன மரத்துல தென்றலடிக்குது

சாந்துப் பொட்டு, சந்தனப் பொட்டு

மாமன் ஒரு நாள் மல்லிகைப் பூ கொடுத்தான்

யாரும் விளையாடும் தோட்டம்

கொத்தமல்லி பூவே

ஏ கிளியிருக்கு, பழமிருக்கு

அன்பான அனாமதேயத்திற்கு பாசமில்லா பதில் . . .

நாசூக்கான வார்த்தைகளில் மோடி பக்தன்/மோடி தாசன் என்ற புனைப்பெயரில் ஒளிந்து கொண்டிருந்த ஒரு அனாமதேய சங்கி  பின்னூட்டம் என்ற பெயரில் தனிப்பட்ட தாக்குதல்   நடத்தியிருந்தது. அதற்கு எழுதிய பதிலை இங்கே பகிர்ந்து கொள்கிறேன். 

அன்பான அனாமதேயம்,

அன்பான ராமன் என்று விளித்து விஷத்தை கக்கும் உங்களுக்கும் ஆபாச வார்த்தைகள் மட்டுமே பேசத் தெரிந்த உங்கள் சக சங்கிகளுக்கும் பெரிய வித்தியாசம் கிடையாது.

மோடி ஒரு பொய்ப்பிம்பம் என்பதை தொடர்ந்து அம்பலப்படுத்தி வருவதை ஜீரணிக்க முடியாத கையாலாகததனமே இப்படிப்பட்ட எதிர்வினைகளை உங்களைப் போன்றவர்களை எழுத வைக்கிறது. அது என் தவறல்ல, உங்கள் தவறு. உங்கள் மோடியின் தவறு.

மோடி மீது நான் வைக்கிற எந்த விமர்சனத்திற்கும் எந்த ஒரு சங்கியாலும் எந்த காலத்திலும் பதிலளிக்க முடிந்ததில்லை என்பதுதான் யதார்த்தம்.. ஏனென்றால் மோடி மீதான விமர்சனங்கள் அனைத்தும் உண்மை.

மோடியை நீங்கள் நேசிக்கலாம். அதற்கு உங்கள் மதப் பற்றோ அல்லது மத வெறியோ  காரணமாக இருக்கலாம். மோடியால் பலனடையக் கூடிய ஒரு சில கார்ப்பரேட் நிறுவனங்களின் முதலாளியாகவோ அல்லது அதன் ஊழியராகவோ கூட இருக்கலாம். ஒரு கம்யூனிஸ்ட் எதிர்ப்பாளர் என்பதால் கூட நீங்கள் மோடியை ஆதரிக்கலாம். காலம் காலமாக ஆதிக்கம் செலுத்தி வந்த ஜாதியைச் சேர்ந்தவர்களின் ஆதிக்கம் மீண்டும் தொடர மோடி தொடர வேண்டும் என்று நினைக்கிற உங்கள் ஜாதி மனப்பான்மை கூட  ஒரு காரணமாக இருக்கலாம்.

ஆனால் மோடியை நேசிக்க எனக்கு ஒரு காரணம் கூட இல்லையே.

ஐந்தாண்டுகளில் அவரது ஆட்சியின் சாதனை என எதுவுமே இல்லையே.

யார் இந்த மோடி?

குஜராத்திலே இஸ்லாமியர்களை கொன்று குவித்து ரத்த ஆற்றிலே அந்த மாநிலத்தை மூழ்கடித்த ஒரு மனிதனை வெறுக்காமல் நேசிக்கிறவர்களின் மன நிலையைத்தான் மருத்துவ மனையில் சோதிக்க வேண்டும்.

மோடி ஒரு பொய்யர்

மோடி ஒரு ஊதாரி

மோடி ஒரு வாய்ச்சொல் வீரர்.

மோடி ஒரு முட்டாள்

மோடி ஒரு நிர்வாகத் திறனற்றவர்.

மோடி  ஒரு கொலைகாரர்

மோடி ஒரு மத வெறியர்

மோடி ஒரு மொழி வெறியர்

மோடி ஒரு நடிகர்

மோரி ஒரு சந்தர்ப்பவாதி

மோடி ஒரு ஜனநாயக விரோதி

மோடி ஒரு சர்வாதிகாரி

மோடி கொள்ளைக்காரர்களின் கூட்டாளி

மோடி பெரு முதலாளிகளின் சேவகர்

மோடி பெரு முதலாளிகளின் தரகர்

மோடி ஏழை மக்களின் எதிரி

மோடி தேச பக்தியற்றவர்

மோடி ராணுவ வீரர்கள் உயிர் மீது அக்கறையற்றவர்

மோடி தொழிலாளர்களின் எதிரி

மோடி பொதுத்துறை நிறுவனங்களுக்கு எதிரானவர்.

மோடி விவசாயிகளின் பகைவன்

மோடி அறிவியலுக்கு எதிரானவர்

இவை எல்லாம் ஏதோ வெறுப்பில் எழுதப்பட்டவை அல்ல. சொல்லப்பட்ட ஒவ்வொரு குற்றச்சாட்டு குறித்தும் கடந்த ஐந்தாண்டுகளில் பல நூறு பதிவுகளை ஆதாரங்களோடு எழுதியிருக்கிறேன்.

இப்படிப்பட்ட மோடியை ஆதரிக்கிற உங்களைப் போன்றவர்களில் இரண்டு பிரிவுகள் உண்டு.

ஒன்று முட்டாளாக இருக்க வேண்டும்.

அல்லது அயோக்கியராக இருக்க வேண்டும்.

ஆபாச வார்த்தைகளில் பேசுகிற சங்கி முதல் பிரிவு என்றால்

இனிக்கும் வார்த்தைகளை விஷத்தை கலக்கும் நீங்கள் இரண்டாவது பிரிவு.

நான் ஒன்றும் சங்கியில்லை என்று பதிலளிக்காதீர். அதுதான் மிகப் பெரிய அயோக்கியத்தனம்.  மோடி பக்தன்/மோடி தாசன் என்று புனைப்பெயரை வைத்துக் கொண்டு அப்படி செய்ய மாட்டீர்கள் என்று நம்புகிறேன்.

உங்கள் மோடியை விமர்சிக்காமல் இருக்க வேண்டும் என்று விரும்பினால் ஒன்று செய்யுங்கள்.

மேலே கொடுத்துள்ள பெரிய பட்டியல்படி அல்லாமல் இனியாவது அவரை மாற்றிக்கொண்டு நேர்மையோடு  சொல்லுங்கள்.

ஆனால் அது மிகவும் சிரமம்.

பின் குறிப்பு : மோடியை நேசிக்கிறேன் என்று உங்களால் உங்கள் சொந்த அடையாளத்துடன் ஏன் சொல்ல முடியவில்லை. மோடி பக்தன்/மோடி தாசன் என்று புனைப்பெயரில் ஒளிந்து கொள்ள வேண்டியிருக்கிறது.  பாவம் உங்களுக்கே ரொம்பவும் வெட்கமாக இருக்கிறது போல. அந்த அளவில் உங்களுக்கு  கொஞ்சமாவது மனசாட்சி இருக்கிறது.

இன்னும் எதுக்கய்யா நெத்திக்காசு?

இன்னும் ஏன் இந்த கேவலமான பிழைப்பு?

எப்படியாவது வெற்றி பெறுவது. அப்படி வெற்றி பெற முடியவில்லை என்றால் வெற்றி பெற்றவனை தன் ஆளாக மாற்றிக் கொள்வது. அப்படி அதுவும் முடியவில்லை என்றால் தன் ஆள் போல காட்டிக் கொள்வது. பாஜகவின் இழி குணங்களில் இதுவும் ஒன்று.

இந்த குணத்தை சமீபத்தில் ஆந்திராவின் ஜெகன் மோகன் ரெட்டி விஷயத்தில் காண்பித்துள்ளார்கள்.

இரண்டு நாட்கள் முன்பாக வாட்ஸப்பில் பரவிய செய்தி என்ன தெரியுமா?

ஆந்திராவில் ஜெகன் மோகன் ரெட்டி வெற்றி பெற்றதற்கான காரணம் அவர் இந்துவாக மதம் மாறியதுதான் என்று அழுத்தமாக சொன்னது. அவரது அப்பா ராஜசேகர ரெட்டிக்கும் சோனியா காந்திக்கும் கடுமையான அர்ச்சனை. ராஜசேகர ரெட்டி செய்த பாவத்திற்கு  பரிகாரம் பெறவே ஜெகன் மோகன் ரெட்டி இந்துவாக மாறி, கடவுளின் அனுக்கிரகம் பெற்று முதல்வராகி விட்டார் என்று ரொம்பவே டீப்பாக இருந்தது அந்த செய்திகள். சிருங்கேரி சங்கராச்சாரியார்தான் மதம் மாற்றி வைத்தார் என்று கூடுதல் தகவல் வேறு. அவர் யாகம் வளர்த்த போட்டோக்கள் நிறைய இருந்தது.

ஆனால் அவை அனைத்துமே உடான்ஸ்.

2016ம் ஆண்டு ஆந்திராவுக்கு சிறப்பு அந்தஸ்து வேண்டும் என்பதற்காக அவர் ஒரு யாகம் (அது ஒரு அரசியல் ஸ்டண்ட் என்பதுதான் என் கருத்து) செய்துள்ளார. அந்த புகைப்படத்தை வைத்துக் கொண்டு ஒரு சிறப்பான திரைக்கதை, வசனம் எல்லாம் எழுதி விட்டார்கள்.  அது மட்டுமல்லாமல் அதில் முழுக்க முழுக்க கிறிஸ்துவ மதத்தைப் பற்றி விஷம் கக்கும் பிரச்சாரம் வேறு.

ஆனால் ஜெகன் மோகன் ரெட்டியோ நான் தினசரி பைபிள் படிக்கிறேன் என்று சொல்லி அச்செய்தி ஒரு வழக்கமான கட்டுக்கதை என்று சொல்லாமல் சொல்லி விட்டார்.

ஏதேதோ பிராடு வேலை செய்து மீண்டும் ஆட்சிக்கு வந்தாகி விட்டது. அந்த நெத்திக்காசை எடுக்கும் கேவலமான பிழைப்பை காவிகள் நிறுத்தவே மாட்டார்கள் போல.