வெல்வெட் ஓவியங்கள் - இந்திய கலைஞர்களின் அற்புதப் படைப்புக்கள்

இந்தியக்  கலைஞர்கள் வெல்வெட் துணியில் படைத்துள்ள
அற்புத ஓவியங்கள், உங்களின் பார்வைக்காக

நில அபகரிப்பு - திமுக செய்தால் ஜெயில், அதிமுக செய்தால் பாதுகாப்பு

அதிமுக ஆட்சிக் காலத்தில் ஓரளவாவது மக்களிடமிருந்து
பாராட்டு பெற்ற விஷயம் என்று ஏதாவது இருந்தால்  அது 
கடந்த திமுக ஆட்சிக் காலத்தில் நில அபகரிப்பு செய்யப்
பட்ட  திமுக காரர்கள் மீது எடுக்கப்பட்ட நடவடிக்கைகள்தான்.

நில அபகரிப்பாளர்கள் திமுகவினராக இருந்தால் மட்டும்தான்
ஜெ அரசு நடவடிக்கை எடுக்கும் போல. அதிமுக வைச் 
சேர்ந்த மாபியா கும்பல்கள் செய்தால்  அப்படிப்பட்ட 
ஆளும்கட்சி குண்டர்களுக்கு காவல்துறை பாதுகாப்பு
அளிக்கிறது. யார் புகார் தருகின்றார்கள் என்று குற்றவாளிகளுக்கு
தகவல் அளிக்கிறது. 

நில அபகரிப்பு செய்த அதிமுக வினருக்கு எதிராக புகார் செய்த
காரணத்தால் திருவண்ணாமலை மாவட்ட மார்க்சிஸ்ட் 
கட்சி மாவட்டச் செயலாளர் தோழர் வீரபத்ரன் மீது 
கொலை வெறித் தாக்குதல் நடந்துள்ளது. 

முழமையான தகவலை இதோ தீக்கதிர் நாளிதழில்
படியுங்கள்.

 சிபிஎம் திருவண்ணாமலை மாவட்டச் செயலாளர் வீரபத்திரனை கொலை செய்ய முயற்சி
 
ஜி.ராமகிருஷ்ணன் கடும் கண்டனம்

சென்னை, மே 23 -மார்க்சிஸ்ட் கம்யூனிஸ்ட் கட்சியின் திரு வண்ணாமலை மாவட்டச் செயலாளர் வீரபத் திரனை கொலை செய்ய முயற்சி நடந்துள்ளது. அவர் மீது நடத்தப்பட்ட கொலைவெறித் தாக்குதலுக்கு கட்சியின் மாநிலச் செயலாளர் ஜி.ராமகிருஷ்ணன் கடும் கண்டனம் தெரிவித் துள்ளார். இதுதொடர்பாக அவர் வெளியிட் டுள்ள அறிக்கை வருமாறு:மார்க்சிஸ்ட் கம்யூனிஸ்ட் கட்சியின் மாவட் டச் செயலாளர் எம்.வீரபத்திரன் 22.5.2012 அன்று இரவு 9.15 மணியளவில் வீட் டிற்கு சென்றுகொண்டிருந்தபோது, திரு வண்ணாமலை நகர்மன்ற உறுப்பினர் வெங்க டேசன், அவரது சகோதரர் செல்வம், மைத்து னர் துரைமுருகன் ஆகியோர் வீரபத்திரனின் கழுத்தை நெரித்து கொலை செய்ய முயற்சித் துள்ளனர். இந்த கொலைவெறிச் செயலை மார்க்சிஸ்ட் கம்யூனிஸ்ட் கட்சியின் மாநிலச் செயற்குழு வன்மையாக கண்டிக்கிறது. திருவண்ணாமலையில் வைரக்குன்று என்னும் பகுதியில் உள்ள அரசு புறம்போக்கு நிலத்தை நகர்மன்ற உறுப்பினர் வெங்கடேசன் மற்றும் அவரது சகோதரர் செல்வம் ஆகியோர் அபகரித்தது குறித்து மார்க்சிஸ்ட் கட்சியின் புகார் அடிப்படையில், அரசு நிர்வாகம் ஆக்கிர மிப்புகளை அகற்றி நிலத்தை மீட்டது. இத னால் வெங்கடேசன், செல்வம் ஆகியோர் விவசாயிகள் சங்கத்தின் மாவட்டத்தலை வரும், கட்சியின் மாவட்டத்தலைவர்களில் ஒருவரான பலராமனை பிப்ரவரி 5, 2012 அன்று தாக்கியுள்ளனர். இது குறித்து அவர்கள் மீது காவல்நிலையத்தில் வழக்கு பதிவு செய்யப் பட்டுள்ளது. ஆனால், காவல்துறை சட்டரீதி யாக எந்த நடவடிக்கையும் எடுக்கவில்லை. வெங்கடேசன் மீது 2 கொலை வழக்குகள் உள்ளிட்ட பல கிரிமினல் வழக்குகள் உள்ளன. இவர் கள்ளச்சாராய வியாபாரத்தோடு தொடர் புடையவர். இத்தகைய சமூக விரோத குற்றச் செயல் பின்னணி கொண்ட வெங்கடேசனை கைது செய்து காவல்துறை சட்டரீதியான நடவடிக்கைகளை எடுக்க மார்க்சிஸ்ட் கட்சி தொடர்ச்சியாக வலியுறுத்தி வந்தது. இதனைத் தொடர்ந்தே மேற்கண்ட நேற்றைய(22.5.2012) கொலைவெறிச் சம்பவம் நடந்துள்ளது. எனவே, கட்சியின் மாவட்டச் செயலாளர் மற்றும் மாவட்டத் தலைவர்களில் ஒருவரான பலராமன் ஆகியோரைத் தாக்கி கொலைசெய்ய முயன்ற சமூக விரோதிகளான நகர்மன்ற உறுப் பினர் வெங்கடேசன் அவரது சகோதரர் செல் வம், மைத்துனர் துரைமுருகன் ஆகியோர் மீது கொலைமுயற்சி வழக்குப் பதிவு செய்து, உடனடியாக அவர்களைக் கைது செய்து உரிய நடவடிக்கை எடுக்க வேண்டுமென தமிழக அரசை மார்க்சிஸ்ட் கம்யூனிஸ்ட் கட்சியின் மாநில செயற்குழு வலியுறுத்துகிறது.இவ்வாறு அதில் கூறப்பட்டுள்ளது. 

கண்டன ஆர்ப்பாட்டம்

இத்தாக்குதலை கண்டித்து புதனன்று போளூர், கலசப்பாக்கம், செய்யாறு, ஆரணி, வந்தவாசி ஆகிய இடங்களில் மார்க்சிஸ்ட் கட்சியினர் பெரும் ஆர்ப்பாட்டத்தில் ஈடுபட் டனர். கலசப்பாக்கத்தில் மாநிலக்குழு உறுப்பி னர் கே.சாமுவேல் ராஜ் பங்கேற்றார். முன்ன தாக அவர் மருத்துவமனையில் அனுமதிக்கப் பட்டுள்ள வீரபத்திரனை சந்தித்து நலம் விசா ரித்தார்.

நில அபகரிப்பை அனுமதிக்க மாட்டோம்  என்று வீர வசனம் பேசிய
ஜெயலலிதா என்ன செய்யப் போகிறார் ?

திமுகவினர் மீது மட்டும் நடவடிக்கை எடுத்தால் போதும் என்று
இருந்து விடப் போகின்றாரா? இல்லை சட்டம் ஒழுங்கைப் 
பாதுகாக்கப் போகின்றாரா?
 

சபாஷ் முருகன், சபாஷ் பேரரறிவாளன், வாழ்த்துக்கள்

ராஜீவ் காந்தி கொலை வழக்கில் சிக்கி தூக்கு தண்டனையை
எதிர் நோக்கும் முருகன் மற்றும் பேரரறிவாளன் ஆகியோர்
பனிரெண்டாம் வகுப்பு பொதுதேர்வில் மிகச் சிறப்பான 
மதிப்பெண்களோடு  தேர்ச்சி பெற்றுள்ளனர்.

முருகன் 983 மதிப்பெண்களும் பேரரறிவாளன் 1096 
மதிப்பெண்களும் பெற்றுள்ளனர். இதிலே முருகன் காமர்ஸ்
பாடத்தில் இருநூறுக்கு இருநூறு. பேரரறிவாளன் எல்லா
பாடங்களிலும் தொன்னூறு சதவிகிதத்திற்கு மேலும்
பெற்றுள்ளார்.

பள்ளிகளின்  தொடர்  பயிற்சி, தொடர் தேர்வுகள்,
பெற்றோரின் கவனம், முழுமையான வசதிகள்,
நிம்மதியான சூழல், ட்யூஷன் வசதிகள் இதுவெல்லாம்
இருந்தும் கூட எல்லா மாணவர்களும் எதிர்பார்க்கும்
மதிப்பெண்கள் பெறுவதில்லை.

இருபது வருட சிறை வாசம், இறப்பை உறுதி செய்துள்ள
தூக்கு தண்டனை, முடிவு என்னாகுமோ என்று தெரியாத
மேல் முறையீடு, பெற்றோர், உறவினரின் கண்ணீர்,
இதற்கு மத்தியில் இவர்கள் இருவரும் பெற்றுள்ள
மதிப்பெண்கள், மாநிலத்தின்  முதல் மாணவராக
தேர்ச்சி பெற்றதற்கு சமமாகும். 

சபாஷ் முருகன், சபாஷ் பேரரறிவாளன். 

வாழ்த்துக்கள். இது உங்களுக்குக் கிடைத்த
முதல் வெற்றி.

மரண தண்டனைக்கு எதிரான உங்களது 
போராட்டமும் வெற்றி பெறட்டும்.

 

மாவோயிஸ்ட் என முத்திரை சுமத்தப்பட்ட மாணவி மம்தாவிற்கு திறந்த மடல்

கடந்த 18.05.2012 அன்று சி.என்.என் - ஐ.பி.என் தொலைக்காட்சி மேற்கு வங்க முதல்வர் மம்தா பானர்ஜியுடன் ஒரு பேட்டியை ஏற்பாடு செய்திருந்தது. பிரசிடென்ஸி மற்றும் ஜாதவ்பூர் பல்கலைக்கழக மாணவர்கள் கேள்வி கேட்டனர். சீர்கெட்டு வரும் மேற்கு வங்க நிலை குறித்த கேள்விகளுக்கு பதில் சொல்ல முடியாத மம்தா பானர்ஜி, இந்த மாணவர்களெல்லாம் சி.பி.ஐ(எம்) ஆட்கள், மாவோயிஸ்டுகள், நீங்களெல்லாம் காட்டுக்கே செல்லுங்கள் என்று வெடித்து பேட்டியையும் பாதியிலேயே முடித்துக் கொண்டார். கேள்வி கேட்டவர்களை புகைப்படம் எடுத்து நடவடிக்கை எடுங்கள் என்று காவல்துறைக்கும் உத்தரவிட்டார்.

சகிப்புத்தன்மையற்ற நிலைதான் பாசிஸத்தின் முதல் கட்டம். மேற்கு வங்கம் எங்கே சென்று கொண்டிருக்கிறது என்பதற்கான ஒரு சோற்றுப்பதம் இது.

மம்தா பானர்ஜி கொந்தளிக்கும் வகையில் கேள்வி கேட்ட அந்த மாணவி டானியா பரத்வாஜ், மம்தா பானர்ஜிக்கு ஒரு திறந்த மடல் எழுதியுள்ளார். மாற்றம் என்ற முழக்கத்தை நம்பிய மேற்கு வங்க மக்களுக்கு கிடைத்த பரிசு என்ன என்பதை இக்கடிதம் உணர்த்துகின்றது.

அக்கடிதம் இங்கே கீழே.

அன்புள்ள “ எளிமையான ஆண்மகனே “

ஒரு சாதாரண வினா எழுப்பியதனால் தாங்கள் ஒரு சிக்கலான அவதாரம் மேற்கொண்டீர்கள். ஒரு காரசாரமான விவாதம் இருக்கும் என்று எதிர்பார்த்தே நாங்கள் நகர அரங்கில் நடைபெற்ற சிஎன்என் ஐ.பி.என்  கேள்வி பதில்  நிகழ்ச்சிக்கு  நாங்கள் அனைவரும் சென்றிருந்தோம். ஆனால் அது சமாளிக்க முடியாத அளவிற்கு சூடாகி விட்டது.

மேற்கு வங்கத்தின் மிக முக்கியமான நபரான தாங்கள் என்னையும் மற்ற அனைத்து பார்வையாளர்களையும் “ மாவோயிஸ்டுகள், சி.பி.எம் ஊழியர்கள் என முத்திரை குத்தினீர்கள். இந்த கௌரவத்தைப் பெற அப்படி நாங்கள் என்னதான் செய்து விட்டோம். உங்களை நாங்கள் கேள்வி கேட்டோம். அதிகாரத்தை கையில் வைத்துள்ள உங்கள் கட்சியின் அமைச்சர்கள் அதிலும் குறிப்பாக மதன் மித்ரா மற்றும் எம்.பி அரபுல் இஸ்லாம் ஆகியோர் எப்படி நடந்து கொள்ள வேண்டும் அல்லது இன்னும் கொஞ்சம் பொறுப்பாக நடந்து கொள்ளக்கூடாதா என்ற கேள்வியைத்தான் நான் கேட்டேன்.

பாலியல் வன்கொடுமைக்கு  உள்ளான ஒரு பெண்ணைப் பற்றி காவல்துறை விசாரணை தொடங்கும் முன்பே மதன் மித்ரா தனது சொந்த தீர்ப்பை உதிர்த்ததனால் ஏராளமானவர்களைப் போல நானும் மிகவும் எரிச்சலுற்றேன். நற்பெயர் களங்கப்படுத்தப்பட்ட அந்த பெண், சிறுபான்மை ஆங்கிலோ இந்திய இனத்தைச் சேர்ந்தவர். சற்றும் பொறுப்பற்ற அவரது இந்த நடத்தையை நாம் பொருட்படுத்த வேண்டாம் என்றாலும் அவர் நடவடிக்கை குறித்து அரசியல் ரீதியாக கேள்வி எழுப்பித்தான் ஆக வேண்டும்.  

சில மாதங்கள் முன்புதான் இதே மனிதன் கிழக்கு மெட்ரோபாலிடன் பைபாஸ் சாலையில் வழக்கமான சோதனைக்காக, இவரது காரை நிறுத்தியதால் காவலர்களோடு தகாத முறையில் நடந்து கொண்டார். அரபுல் இஸ்லாம் பிரச்சினையைப் பற்றி சொல்வதென்றால், அது இன்னமும் தலைப்புச்செய்திகளில் அடிபட்டுக் கொண்டுதான் இருக்கிறது.

பரிபர்த்தன் (மாற்றம் ) வேண்டும் என வாக்களித்த, என்னைச் சுற்றியுள்ள ஏராளமானவர்களின் மனதில் அலை மோதிக் கொண்டிருந்த கேள்வியைத்தான் நான் கேட்டேன். மக்களுக்கு முன்னுதாரணமாக விளங்கும், அவர்கள் பின்பற்றுகின்ற நம்முடைய தலைவர்களிடமிருந்து இதைத்தான் நாம் எதிர்பார்க்கிறோமா? ஆனால் இறுதியில்  நான் அறிந்து கொண்டது என்னவோ “ மேற்கு வங்கத்தில் கேள்வி கேட்பது என்பது மாவோயிஸ்டாக இருப்பதற்கு இணையானது”  என்பதைத்தான்.

நான் ஒரு பெண்ணியவாதி அல்ல, எளிமையான ஆண் மகன் என்று தாங்கள் மேடையில் பெருமிதத்துடன் பிரகடனம் செய்து கொண்டீர்கள்.

தங்களின் இந்த பிரகடனம் எங்களுக்கு வியப்பளிக்கவில்லை. அதிலும் குறிப்பாக கட்வா மற்றும் பார்க் வீதி சம்பவங்களுக்குப் பிறகு நிச்சயம் வியப்பளிக்கவில்லை. ஜனநாயகம் குறித்தும் தாங்கள் பேசினீர்கள். என்னுடைய கேள்விக்கு முன்பு கேட்கப்பட்ட கேள்விகளுக்கான பதில்களில் தாங்கள், ‘ மக்கள்’ ஜனநாயகம், வங்கம் ஆகிய வார்த்தைகளை அள்ளித் தெளித்திருந்தீர்கள்.

அரசியல் விஞ்ஞான மாணவியான நான் படித்தவரை உண்மையான ஜனநாயகத்தின் மிக முக்கியமான அடிப்படை அம்சம் என்பது கருத்து சொல்லும் சுதந்திரம் ஆகும். ஒரு தனி மனிதன் தான் சொல்ல விரும்புகிற கருத்துக்களை யாருடைய அதிகாரத்திற்கும் அஞ்சாமல் தெரிவிக்கும் உரிமையாகும். பொது வாழ்வில் ஈடுபட்டுள்ள முக்கியப் பிரமுகர்கள் பற்றிய கேலிச்சித்திரங்களை பார்த்து சிரிப்பது கூட அதில் அடங்கும்.

ஆனால் மேற்கு வங்க மாநிலத்தில் இந்த ஜனநாயக அம்சம் தொடர்ச்சியாக பறி போய்க்கொண்டிருக்கிறது  என்பது மிகவும் வருத்தமானது. நீங்கள் என்னை  என்று அழைத்ததாலேயே நான்  மாவோயிஸ்ட் ஆகப் போவதில்லை. அனைத்து அம்சங்களிலும் உண்மை இல்லையென்றால் இந்த மாநிலத்தில் ஜனநாயகம் நிலவுகின்றதாக சொல்ல முடியாது. அவசர கதியில் நீங்கள் செய்தது என் மீது வெளிச்சம் பரவ வழி வகுத்து விட்டது. கோபத்துடன் வெளியேறியதால் நீங்கள்  இயல்பாகவே நாசகர சக்தி என்ற இடத்தை எடுத்துக் கொண்டு விட்டீர்கள்.

என்னுடைய கேள்விக்கு நீங்கள் எளிமையாக பதில் சொல்லியிருந்தாலோ அல்லது கருத்து கூற விரும்பவில்லை எனச் சொல்லி அடுத்த கேள்விக்கு சென்றிருந்தாலோ நிலைமையில் சிக்கல் ஏற்பட்டிருக்காது. நீங்கள் முக்கியமாக்க விரும்பியதால் இக்கேள்வி முக்கியத்துவம் பெற்று விட்டது.

அறிவு வெளியேற்றம் ( Brain Drain ) பற்றி நீங்கள் பலமுறை பேசியுள்ளீர்கள். லண்டன் பல்கலைக் கழகக் கல்லூரி, ஆப்பிரிக்க, ஓரியண்டல் கல்லூரி ஆகியவற்றில் வளர்ச்சி மற்றும் நிர்வாகம் பற்றி படிக்க எனக்கு வாய்ப்பு வந்தது. நானும் கூட வெளிநாட்டிற்கு புறப்பட்டு விடுவேன். அதற்கான காரணம் என்ன என்பது பற்றி இப்போது உங்களுக்குப் புரியும்.

நீங்கள் நிகழ்ச்சியில் தொடர்ந்திருந்தால் நன்றாக இருந்திருக்கும். நியாயமான முறையிலேயே நீங்கள் “ வித்தியாசமான முதல்வராக “ இருந்திருப்பீர்கள். உங்களுடைய முதலமைச்சர் என்ற பொறுப்பின் தன்மைகளுக்கேற்பவாவது நீங்கள் நாங்கள் சொல்வதை எல்லாம் செவிமடுத்திருக்க வேண்டும்.

பொதுவாக எல்லா மனிதர்களும் நல்லவர்களாகத்தான் இருப்பார்கள், ஆனால் ஒரு மனிதனின் குணாதிசயத்தை சோதனை செய்ய வேண்டுமென்றால் அவனிடம் அதிகாரத்தை வழங்கு என்று ஆப்ரஹாம் லிங்கன் கூறியுள்ளார்.

அன்புடன்.

ஒரு எளிமையான பெண்மணி

டானியா பரத்வாஜ்

வேலூரை வெயிலூர் என கிண்டலடிப்பவர்களே, இதைக் கொஞ்சம் கேளுங்கள் ....

எங்கள்  வேலூரை வெயிலூர் என கிண்டலடிப்பவர்களே,
இதைக் கொஞ்சம் கேளுங்கள்.

உச்சகட்ட வெயிலுக்கு புகழ் பெற்ற எங்கள் வேலூரில்
இன்று மாலை அரைமணி நேரம்  ஐஸ்கட்டி மழை
பெய்தது. அனலடிக்கும் வெப்ப நிலை மாறி 
ஊட்டிக்கு சவால் விடுக்கும் வண்ணம் மிகவும்
இனிமையாக நிலைமை மாறிவிட்டது.

நான்கு நாட்களாக குறைந்த பட்சம் 106 டிகிரிக்கு
மேல் வெப்பம்  நிலவி அவதிப்பட்ட வேலூர்
மக்களுக்கு இன்றைய ஐஸ்கட்டி  மழை 
ஒரு வரமாக வந்திருந்தது.

இன்று இப்படி ! நாளை எப்படியோ ?
 

டைரக்டர் ஷங்கர் கற்பனை, மம்தா ஒரிஜினல்

முதல்வன்  திரைப்படத்தின் முக்கியமான காட்சி ரகுவரனை
அர்ஜூன் பேட்டியெடுப்பது. நிழலில் தோன்றியது நேற்று 
நிஜத்தில் நடந்தது. மம்தா எனும் அராஜகப் பேர்வழியின்
அடாவடித்தனத்தை  மேலும் ஒரு முறை வெளிச்சம் போட்டுக்
காட்டியது.

ஒரு தொலைக்காட்சிப் பேட்டி ஏற்பாடு செய்யப்பட்டிருந்தது.
அதிலே ஜாதவ்பூர் பல்கலைக்கழக மாணவர்கள் மம்தாவை
கேள்வி கேட்டார்கள்.

அவர் ஆட்சியின் அலங்கோலங்கள், அத்து மீறல்கள்,
பெண்கள் மீதான தாக்குதல்கள், சீர் கெட்டுப் போயிருக்கும்
சட்டம் ஒழுங்கு, தற்கொலை செய்து கொள்ளும் விவசாயிகள்,
கார்ட்டூனுக்காக கைது ஆகியவை பற்றியெல்லாம்
கேள்வி வந்ததும் அம்மையாரால் தாங்க முடியவில்லை.
பொங்கியெழுந்து விட்டார். 

உடனே மாணவர்களைப் பார்த்து நீங்கள் எல்லாம் 
சி.பி.எம், மாவோயிஸ்டுகள். உங்கள் கேள்விக்கெல்லாம்
பதில் சொல்ல முடியாது. நீங்கள் காட்டுக்கு செல்லுங்கள்
என்றெல்லாம் சத்தம் போட்டு விட்டு காவல்துறையைப்
பார்த்து அத்தனை பேரையும் புகைப்படம் எடுத்து 
நடவடிக்கை எடுங்கள் என்று உத்தரவு போட்டுள்ளார்.

அவரால் பதில் சொல்ல முடியாததனால் மாணவர்கள்
சி.பி.எம், மாவோயிஸ்டுகள் ஆகி விட்டார்கள். பேட்டி 
எடுத்த பெண்மணி அவர்களெல்லாம் மாணவர்கள் என்று
சொன்னதற்கு மாவோயிஸ்டுகளாவதற்காக தேர்ந்தெடுக்கப்
பட்டவர்கள் என்று மீண்டும் திட்டியுள்ளார்.

பேட்டி பாதியில் நின்று விட்டது. சகிப்புத்தன்மை சிறிது
கூட இல்லாதவர், ஜனநாயகத்தின் மீது சிறிதும் 
நம்பிக்கை இல்லாதவர் என்பது நிகழ்ச்சியில் பங்கேற்ற
மாணவர்கள் முன்வைத்த விமர்சனம். அதை தங்கள் 
பெயரோடுச் சொல்ல அவர்களுக்கு பயம். உயிரைப்
பாதுகாத்துக் கொள்ள வேண்டுமல்லவா?

ஆட்சிக்கு வந்து ஒரு வருடத்திலியே இந்தக் கூத்து.
இன்னும் நான்காண்டு காலம் மேற்கு வங்க மக்கள்
என்னவெல்லாம் அனுபவிக்கப் போகின்றார்களோ?

முடிவுகள் இரண்டு, உண்மை ஒன்று

உலகம் முழுதும் உள்ளவர்களின் கவனத்தை ஐரோப்பாவில் நடைபெற்ற இரண்டு நாடுகளின் தேர்தல் முடிவுகள் ஈர்த்துள்ளன. அம்முடிவுகள் சொல்லும் செய்திகளும் மிக முக்கியமானவை.

பிரான்ஸ் நாட்டு ஜனாதிபதி தேர்தலில் வலதுசாரி அடிப்படைவாதக் கட்சியின் தலைவரும் தற்போதைய ஜனாதிபதியுமான நிக்கோலஸ் சர்கோஸ்கி தோற்றுப் போயுள்ளார். சோஷலிஸ்ட் கட்சியின் ஹாலன்டே புதிய ஜனாதிபதியாக பொறுப்பேற்றுள்ளார்.

கிரீஸ் நாட்டின் நாடாளுமன்றத் தேர்தலில் எந்த ஒரு கட்சிக்கும் பெரும்பான்மை கிடைக்கவில்லை. ஒரு கூட்டணி அரசை உருவாக்கும் முயற்சி தோற்றுப்போய் வரும் ஜீன் மாதம்  மீண்டும் தேர்தல் நடைபெறப் போகின்றது.

இந்த தேர்தல்கள் உணர்த்தும் உண்மை என்ன?

சர்வதேச நிதி மூலதனத்தின் அளவு கடந்த லாப வெறி சர்வதேச பொருளாதர நெருக்கடியாக உருவெடுத்தது. பெரும் நிறுவனங்கள் திவாலாகின. திவாலின் விளிம்பிற்குச் சென்றன. நிறுவனங்களைப் பாதுகாக்க அரசுகள் தங்கள் கஜானாவை திறந்து விட்டன. அதனால் நாடுகளே திவாலாகும் நிலைக்குச் சென்றன.

நாடுகள் தங்களைக் காப்பாற்றிக் கொள்ள, தங்களின் முதலாளிகளின் நலன்களைப் பாதுகாக்க மக்கள் மீது தாக்குதல் தொடுத்தனர், உழைப்பாளிகள் மீது தாக்குதல் தொடுத்தனர். நலத் திட்டங்கள் வெட்டி சுருக்கப்பட்டன. சலுகைகள் பறிக்கப்பட்டன. தொழிலாளர்களின் எதிர்காலம் கேள்விக்குறியாக அவர்கள் வீதிக்கு வந்தனர்.

முதலாளித்துவத்தின் அடையாளமான அமெரிக்கப் பங்குச்சந்தை அமைந்திருக்கும்  “வால் ஸ்ட்ரீட்டைக் கைப்பற்றுவோம்” என்ற முழக்கத்தோடு தொடங்கிய போராட்டம் உலகெங்கும் நடந்து கொண்டிருக்கிறது. அப்போராட்டம் தேர்தல் முடிவுகளிலும் எதிரொலித்துள்ளது.

அடிப்படைவாத வெறியைத் தூண்டி மிகப் பெரிய ஆரவாரத்தோடு ஆட்சிக்கு வந்த சர்கோஸிக்கு பிரஞ்சு மக்கள் ஐந்தே ஆண்டுகளில் வீட்டிற்குப் போகும் வழியைக் காண்பித்து விட்டார்கள். தொழிலாளர்களின் உரிமைகளைப் பறிப்பதை அவர்கள் அனுமதிக்க மாட்டார்கள் என்பதன் அடையாளம் இந்த முடிவு. ஆட்சிக்கு வந்த ஹாலண்டே லத்தீன் அமெரிக்க சோஷலிஸ ஆட்சியாளர்களைப் போல அமைப்பு முறையை மாற்றியமைப்பார், பறிக்கப்பட்ட அனைத்து சலுகைகளையும் மீண்டும் தானே வழங்கிடுவார் என்ற பிரமை நமக்கு இருக்க வேண்டியதில்லை.

அதே நேரம் சர்கோஸி வழியில் சென்றால் மக்கள் சர்கோஸி போலவே தன்னையும் வீட்டிற்கு அனுப்பி விடுவார்கள்  என்ற எச்சரிக்கை உணர்வோடு செயல்படுவதற்கான வாய்ப்பும் உள்ளது.

கிரீஸின் நிலைமை மாறுபட்டது. அங்கே பொருளாதாரம் அதள பாதாளத்தில் உள்ளது. அதனை கைதூக்கி விட ஐரோப்பிய ஒன்றியம் தயாராக உள்ளது. ஆனால் அதற்கான விலையை அந்நாட்டு மக்கள்தான் ஏற்றாக வேண்டு. ஐரோப்பிய ஒன்றியம் விதிக்கும் நிபந்தனைகளை ஏற்றால் ஏற்கனவே கடுமையான தாக்குதல்களைச் சந்தித்து போராட்ட களத்தில் நிற்கும் மக்கள் மீது இன்னும் கூடுதல் சுமையினை சுமத்த வேண்டியிருக்கும்.

தேர்தலில் எந்த ஒரு கட்சிக்கும் பெரும்பான்மை கிடைக்காத சூழலில் கூட்டணி அரசு அமைக்க தடையாக இருப்பது ஐரோப்பிய ஒன்றியம் விதிக்கும் நிபந்தனைகளை ஏற்பதில் கருத்தொற்றுமை வராததுதான். அதனால்தான் அந்த நாடு மீண்டும் தேர்தலை எதிர் நோக்கியுள்ளது. மீண்டும் தேர்தலுக்காக அங்கே உள்ள அரசியல் கட்சிகள் மக்களை சந்திக்கையில் ஐரோப்பிய ஒன்றிய நிபந்தனைகள் குறித்து தங்களின் நிலை என்ன என்பதை தெளிவுபடுத்திட வேண்டிய கட்டாயம் உள்ளது.

கட்சிகள் மேற்கொள்ளும் நிலைதான் கிரீஸின் எதிர்காலத்தை மட்டுமல்ல, அக்கட்சிகளின் எதிர்காலத்தையும் நிர்ணயம் செய்யப் போகின்றது. முதலாளிகளின் நலனுக்காக மக்களின் எதிர்காலமா அல்லது மக்களின் நலனுக்காக முதலாளிகளின் எதிர்காலமா, யார் எதை காவு கொடுக்கப் போவதாகச் சொல்லுகின்றார்களே அதற்கேற்றார்போலத்தான் தேர்தல் முடிவும் அமையும்.

உலகமயமாக்கல் கொள்கைகளை அமுலாக்குவதை இனியும் நாங்கள் 

அனுமதிக்க மாட்டோம் என்பதுதான் பிரான்ஸ் மற்றும் கிரீஸ் மக்கள் 

தெரிவித்துள்ள திட்டவட்டமான செய்தி. இதை எல்லா நாட்டு 

ஆட்சியாளர்களுமே புரிந்து கொள்ள வேண்டும். முக்கியமாக இந்திய 

ஆட்சியாளர்கள் உணர்ந்து கொள்ள வேண்டும்