ரயில் நிலையங்களில் செல்ஃபி பாயிண்ட் ஒன்று அமைப்பதற்கு ஆறே கால் லட்ச ரூபாய் செலவாகிறது என்பது தகவல் அறியும் சட்டத்தின் படி கேட்கப்பட்ட கேள்விக்கு கிடைத்த பதில். பதில் சொன்ன அதிகாரியை அந்த பதவியிலிருந்து தூக்கி விட்டார்கள் என்பதும் இது போன்ற கேள்விகளுக்கு பதில் சொல்லக்கூடாது என்று உத்தரவு போட்டதும் கிளைக்கதை.
ரஜினிகாந்த் நடித்த எஜமான் திரைப்படத்தில் வரும் "ஆலப் போல. வேலப் போல்" பாடலின் வயலின் வடிவம் என் மகனின் கைவண்ணத்தில் . . .
பாரத ரத்னா விருது இன்னொரு முறை அசிங்கப்பட்டிருக்கிறது. மத வெறி, விஷப்பிரச்சாரர்களின் முன்னோடி அத்வானிக்கு அறிவிக்கப்பட்டுள்ளது.
ரத யாத்திரை என்ற பெயரில் ரத்த யாத்திரை சென்று சிறுபான்மை மக்களுக்கு எதிராக நச்சைக் கக்கி, கலவரங்களை தூண்டி ஆயிரக்கணக்கான மக்களின் ரத்தத்தை குடித்த படுபாவிதான் அத்வானி.
குஜராத்தில் டிமோ ஆயிரக்கணக்கான இஸ்லாமியர்களை கொன்று குவித்த போது, வெள்ளையனே வெளியேறு போராட்டத்தை காட்டிக் கொடுத்த துரோகி வாஜ்பாய் கூட "நான் எந்த முகத்துடன் வெளிநாட்டுக்கு போவேன்?" என்று புலம்பிய போது கூட டிமோவின் பதவியை பாதுகாத்துக் கொடுத்த கொடூரனே அத்வானி.
இந்தியாவின் மோசமான பிரிவினைவாதிகள் பட்டியலில் டிமோ வரும் வரை முதலிடத்தில் இருந்த அத்வானி, பாரத ரத்னா என்பதெல்லாம் இந்தியாவிற்கே இழிவு.
அயோத்தி கோயிலுக்கு அத்வானி அழைக்கப்படவில்லை. அவர் வந்தால் தனக்கான முக்கியத்துவம் குறைந்து விடும் என்பது டிமோ கணக்கு. அதனால் உருவான சின்ன விமர்சனத்தை சரி செய்ய டிமோ செய்த அரசியலே அத்வானிக்கு தூக்கி போடப்படும் இந்த எலும்புத்துண்டு.
உண்மையிலேயே இந்த விருதை அவருக்கு அளிக்க வேண்டும் என்று நினைத்திருந்தால், நிதிஷ்குமாரை இழுக்க பீகாரின் கற்பூரி தாகூருக்கு இறந்து 36 வருடங்களுக்குப் பிறகு அளிக்கப்பட்டபோதே அத்வானிக்கு அறிவித்திருக்கலாமே!
பாவத்தின் சம்பளம் மரணம் என்று சொல்வார்கள்.
ஆனால் இங்கே
பாவத்திற்கு சம்பளமாக பாரத ரத்னா தரப்பட்டுள்ளது.
ஜூனியர் விகடனால் உசுப்பேற்றப்பட்டு நாசமாகிப் போன மனிதர் எஸ்.டி.சோமசுந்தரம்.
எம்.ஜி.ஆரின் முதல் அமைச்சரவையிலே அமைச்சராக இருந்தவர். பொறியாளர் பட்டம் பெற்றவர். சக்தி மிக்க அமைச்சராகத்தான் இருந்தார், ஜெ அரசியலுக்கு அழைத்து வரப்படும் வரை. ஜெவுக்கு கொடுக்கப்பட்ட அதி முக்கியத்துவத்துக்கு எதிராக குரல் கொடுத்தார். அது எடுபடாத போது எம்.ஜி.ஆர் மீது ஊழல் குற்றச்சாட்டுக்களை அடுக்க ஆரம்பிக்க அதிமுகவிலிருந்து நீக்கப்படுகிறார்.
ஊழலை ஒழிக்க வந்தவர் என்ற தோற்றத்தை தொடர் கவர் ஸ்டோரிகள் மூலம் ஜூவி கொடுக்க அவரும் நம்பிக்கையோடு புதிய கட்சியை துவக்குகிறார். “நமது கழகம்” என்று நாமகரணம் சூட்டி தமிழ்நாட்டின் பெரும்பாலான தொகுதிகளில் போட்டியிடுகிறார்.
தேர்தல் முடிவு என்ன ஆனது?
ஒரே ஒரு இடம் தவிர மற்ற அனைத்து இடங்களிலும்
வெற்றி பெற்றதா நமது கழகம்?
இல்லை. டெபாசிட் இழந்தது.
அந்த ஒரு தொகுதி கூட நெய்வேலியை உள்ளடக்கிய குறிஞ்சிப்பாடி தொகுதி. அப்போது என்.எல்.சி பொறியாளர் சங்கத்தின் தலைவராக இருந்த வி.என்.பண்டரிநாதன் மட்டுமே டெபாசிட் பெற்ற ஒரே வேட்பாளர்.
அப்படியானால் எஸ்.டி.எஸ்?
அவர் அதற்கு முன்பாக பல முறை வென்ற பட்டுக்கோட்டை தொகுதியிலேயே டெபாசிட் இழந்தார்.
அதன் பின்பு அவர் மீண்டும் அதிமுகவில் இணைந்தார்.
பிறகு மீண்டும் சில தலைவர்களோடு விலகினார். அப்போதுதான் ஜெ அவர்களை “உதிர்ந்த ரோமம்” என்றழைத்தார்.
அதன் பிறகும் அவர் மீண்டும் இணைந்தார். ஆனால் பெரிய முக்கியத்துவம் கிடைக்கவில்லை. ஏதோ ஒரு இடைத்தேர்தல் பிரச்சாரத்தின் போது ஜெ வின் வேனில் தொங்கிக் கொண்டு வந்த அசிங்கமெல்லாம் நடந்தது. மணிவண்ணன் கூட அதை “தாய் மாமன்” படத்தில் எஸ்.டி.எஸ் போலவே ஒருவரை நடிக்க வைத்து காட்சியாக்கினார்.
ஜூவி உசுப்பேற்றலுக்கு மயங்காமல் இருந்திருந்தால் பாவம் பிழைத்திருக்கலாம்.
பாஜக சொல்லித்தான் விஜய் கட்சி ஆரம்பிக்கிறார் என்று சந்தேகம் இருந்தது. வருமான வரித்துறை, அமலாக்கத்துறை ஆகியவை இருக்கையில் இது சாத்தியமே.
சந்தேகமே வேண்டாம், அதுதான் நிஜம் என்று ஆட்டுக்காரனும் பொய்யன் எஸ்.ஜி.சூர்யாவும் போட்ட ட்வீட்டுக்களே சாட்சியமாகி விட்டது.
ஜோசப் விஜய் என்று நிந்திக்கப்பட்டவர் இப்போது அன்புச் சகோதரர் ஆகி விட்டார். அவர் போடும் கையெழுத்திலும் ஜோசப் காணாமல் போய் விட்டார்.
வார இதழ்கள் வாங்குவதை நிறுத்தி இரண்டாண்டுகளுக்கு மேலாகிறது.
அதனால் ஜூனியர் விகடன் இதழ் நடிகர் விஜயை உசுப்பேற்றி விட்டதா என்று தெரியாது.
நிர்மலா அம்மையார் சமர்ப்பித்த கடைசி (அப்படியானால்தான் நாட்டுக்கு நல்லது) பட்ஜெட்டைப் பற்றிய அலசல் ஒரே மீமில் , , ,
