இடம் மாறிய இதயம் - இனிமை மலரட்டும்

அல்லாவின் புகழை 
போதிக்கும் ஆசிரியர்
அவர்.

ஹரியின் புகழ்
போற்றும் அர்ச்சகர்
அவர்.

பக்கத்து பக்கத்து
வீடுகள் கூட கிடையாது,

பக்கத்து பக்கத்து 
நாடுகள்,
பகை நாடுகளாய்
ஒரு தோற்றமும் உண்டு.

ஹரியின் புகழ் போற்றும்
அர்ச்சகரின் இதயம்
இன்று இடம் மாறி
அல்லா புகழ்
போதிக்கும் ஆசிரியர்
வசம்.


மரணத்திற்குப் பின்னும்
அந்த இதயம் துடிக்கிறது,
மதத்தை வென்ற
மனிதத்தின் பெருமை சொல்லி.

இந்திய இதயம் இனி
பாகிஸ்தானில் துடிக்கும்,
இதயத்தின் இணைப்பு,
இரு தேசங்களின் 
கசப்பை  போக்கும்
இனிப்பாய் அமையட்டும்.