என் கேள்விகளுக்கு கலைஞரும் சிதம்பரமும் கண்டிப்பாக பதில் அளிக்க மாட்டார்கள்

இந்த கேள்வி – ப.சி க்கு

ராணுவ சிறப்புச் சட்டத்தை மாற்றவோ அல்லது அந்த சட்டம் அமுலாகும் பகுதிகள் எதையும் நீக்கவோ ராணுவ தளபதிகள் ஒப்புக் கொள்ள மறுக்கிறார்கள். இதற்கு என்ன செய்ய முடியும் என்று சிவகங்கைச் சீமான் கேட்டிருக்கிறார். பாலியல் குற்றங்களில் ஈடுபடும் ராணுவத்தினரை குற்றவியல் சட்ட வரம்பிற்குள் கொண்டு வந்து விசாரிக்க வேண்டும் என்று வர்மா கமிட்டியின் ஆலோசனையை ஏற்க மறுத்த பின்னணி இப்போது தெளிவாகி விட்டது.

ஒரே ஒரு கேள்விதான்.

ராணுவம் அரசின் கட்டுப்பாட்டில் உள்ளதா இல்லை அரசு ராணுவத்தின் கட்டுப்பாட்டில் உள்ளதா?

இந்த கேள்வி கலைஞருக்கு

ராஜபக்சே வருகையை இப்போது கடுமையாக கண்டிக்கின்ற நீங்கள் இதற்கு முன்பு பல முறை ராஜபக்சே இந்தியா வந்த போதெல்லாம் எங்கே போயிருந்தீர்கள்? அல்லது இப்போதுதான் புதிதாக ஒரு போதி மரத்தை அண்ணா அறிவாலயத்தில் நட்டு, அது வளர்ந்து “ ராஜபக்சே மோசமானவர் “ என்ற ஞானத்தை அளித்ததா?

ஒரு கொலை வெறியனின் ஒப்புதல் வாக்குமூலம்,

 என்ன செய்யப் போகிறது மத்தியரசு?

காவல்துறை பதினைந்து நிமிடம் கண்மூடி இருந்தால் எத்தனை தலைகள் உருளும் தெரியுமா என்ற ஹைதராபாத் ஓவைசியின் வெறி பிடித்த பேச்சிற்கு வி.ஹெ.பி யின் பிரவீன் தொகாடியா பதிலளித்து பேசியதை இன்னொரு வெறி பிடித்த பேச்சு என்று ஒதுக்கி தள்ள முடியாது.

ஏனென்றால் அஸ்ஸாமில், குஜராத்தில், மத்திய பிரதேசத்தில்  என்று வரிசையாக அடுக்கி விட்டு இங்கேயெல்லாம் போலீஸ் ஒதுங்கி இருந்தது, ஆயிரக் கணக்கில் பிணங்கள் விழுந்தன, அதில் ஒன்று கூட ஹிந்துவின் பிணம் அல்ல என்று கூறியுள்ளார்.

பரிவாரப் படை செய்த அட்டூழியங்களுக்கு அதன் தலைவர் அளித்துள்ள ஒப்புதல் வாக்குமூலம் இது. காவல்துறை அவர்களின் அராஜகங்களுக்கு மௌன சாட்சியாய் இருந்தது என்பதையும் அவர் காட்டிக் கொடுத்துள்ளார்.

பிரவீன் தொகாடியாவையும் கலவரக் கொலைகளுக்கு உடந்தையாக இருந்த காவலர்களையும் மத்தியரசு என்ன செய்யப் போகிறது. இந்த ஒப்புதல் வாக்குமூலத்தின் அடிப்படையில் நடவடிக்கை எடுக்கப் போகிறதா? இல்லை வழக்கம் போல் அலட்சியமாகவே இருக்கப் போகிறதா?

ஒரு கண்ணின் பார்வை பறிக்கப்பட்ட பின்பும்

இன்று காலை தீக்கதிர் நாளிதழை படிக்கும் போது மனதில் மகிழ்ச்சி பொங்கியது. திருச்சியில் நேற்று நடந்து முடிந்த சி.ஐ.டி.யு சங்கத்தின் தமிழ் மாநில மாநாட்டில் அந்த அமைப்பின் மாநிலப் பொதுச்செயலாளராக தோழர் ஜி.சுகுமாறன் தேர்ந்தெடுக்கப்பட்டுள்ளார்.

என்.எல்.சி நிறுவன ஊழியராய் தொழிற்சங்கப் பணியை துவக்கிய தோழர் சுகுமாறன் கடலூர் மாவட்ட சி.ஐ.டி.யு செயலாளராய் பணியாற்ற என்.எல்.சி வேலையை துறந்தவர். கடலூர் நகரில் ஒரு தனியார் ஆலை தொழிலாளர்களை பணி நீக்கம் செய்த போது நடைபெற்ற போராட்டத்தின் போது, முதலாளிகளிடம் எலும்புத் துண்டுகள் பெற்று காவல்துறை போராட்டம் நடத்தியவர்களை மிகக் கடுமையாக தாக்கியது.

காவல்துறையின் அராஜகத் தாக்குதலில் தோழர் சுகுமாறனின் இடது கண் பார்வை முழுமையாக பாதிக்கப்பட்டது. அரக்கத்தனமாக நடந்து கொண்ட அந்த காவல்துறை ஆய்வாளர் மீது அன்று ஐயாவும் நடவடிக்கை எடுக்கவில்லை, இன்று அம்மாவும் நடவடிக்கை எடுக்க வில்லை.

ஆனால் உருக்கு போன்ற உறுதி கொண்டவர்களை எந்த தாக்குதலும் நிலை குலையச் செய்யாது என்பதற்கான உதாரணமாக தோழர் சுகுமாறனின் பணி தொடர்ந்தது. இதோ இன்று அவர் சி.ஐ.டி..யு சங்கத்தின் மாநிலப் பொதுச்செயலாளராகவே தேர்ந்தெடுக்கப் பட்டுள்ளார்.

தோழரது பணி சிறக்க நெஞ்சார்ந்த வாழ்த்துக்கள்.

பாடுவதற்கு தடை ஏ.ஆர்.ரஹ்மான்களுக்குக் கிடையாதா?

ஜம்மு காஷ்மீர் மாநிலத்தில் இசைக்குழு ஆரம்பித்த பள்ளி மாணவிகளுக்கு கடுமையான மிரட்டல்கள் வந்துள்ளது. மாநில முதல்வர் ஓமர் அப்துல்லா அவர்களுக்கு ஆதரவாக இருப்பது ஆறுதல் அளிக்கும் செயல்.

அந்த மாநில மதத் தலைவர் ஒருவர் எங்கள் மதத்தின் படி யாரும் பாடவேக் கூடாது என்று அறிவித்துள்ளார். அதை படிக்கும்போதே “இறைவனிடம் கையேந்துங்கள் “ என்று கம்பீரக் குரல்தான் மனதிற்கு வந்தது.

ஒரே ஒரு சந்தேகம்தான். பாடவே தடை என்றால் அது பெண்களுக்கு மட்டும்தானா? ஆண்களுக்கு கிடையாதா? இல்லை ஏ.ஆர்.ரஹ்மான் பாடி ஆஸ்கார் வென்றதெல்லாம் தெரியாதா?

பெண்களுக்கு மட்டும்தான் தடையென்றால்

தயங்காமல் சொல்வேன்

இது பிற்போக்குத்தனம், அராஜகம்

கண்துடைப்பிற்காக ஒரு நாடகம்

மன்மோகன் அரசு திடீர் அவசரச்சட்டம்

நீதிபதி வர்மா குழு பரிந்துரைகளை புறந்தள்ள முயற்சி : சிபிஎம் கண்டனம்
 

புதுதில்லி, பிப். 2-பெண்கள் மீதான பாலியல் வன்முறைகளுக்கு எதிரான நடவடிக்கைகள் குறித்து நீதி பதி ஜே.எஸ்.வர்மா குழு அளித்த பரிந்துரைகளை நிரா கரிக்கும் விதமாக, வேறு பல அம்சங்களுடன் மத்திய அரசு திடீரென அவசரச்சட்டம் கொண்டுவந்துள்ளது. இதை மார்க்சிஸ்ட்கம்யூனிஸ்ட் கட்சி கடுமையாக விமர்சித்துள்ளது. நீதிபதி ஜே.எஸ். வர்மா குழுவின் அறிக்கையை அம லாக்க வேண்டு மென்று மார்க் சிஸ்ட் கம்யூனிஸ்ட் கட்சி மற்றும் பெண்கள் அமைப்புகள் வலியுறுத்திய நிலையில், இந்த அறிக்கையை பரிசீலிக்க மத் திய அமைச்சரவையின் சிறப் புக்கூட்டம் தில்லியில் வெள் ளியன்று மாலை நடந்தது. பிரதமர் மன்மோகன்சிங் தலை மையில் நடைபெற்ற இக்கூட் டத்தில், பெண்கள் மீதான வன் முறையில் ஈடுபடுவோரை கடுமையாக தண்டிக்க அவச ரச்சட்டம் கொண்டுவருவது என முடிவு செய்யப்பட்டது. 

பாலியல் வன்குற்றத்தில் ஈடுபடுவோருக்கு குறைந்த பட் சம் 20 ஆண்டு சிறைத்தண் டனை, கும்பலாக இக்குற்றத் தில் ஈடுபட்டு அப்பெண் ணுக்கு கடும் காயம் ஏற்படுத் துவோருக்கு ஆயுள் தண்ட னை விதிக்க அவசரச்சட்டம் வழி செய்கிறது. ஆயுள் தண் டனை பெறுவோர் சாகும் வரை சிறையிலேயே இருக்க வேண் டும். அதேபோல ஆசிட் வீசுப வருக்கு குறைந்தபட்சம் 10 ஆண்டு சிறை; அதிபட்சமாக ஆயுள் தண்டனை விதிக்கப் படும் என்பது உள்ளிட்ட விப ரங்கள் இடம்பெற்றுள்ளன. நாடாளுமன்றம் எதிர்வரும் 21ம் தேதி கூடவுள்ள நிலை யில், திடீரென அரசு அவசரச் சட்டம் பிறப்பித்துள்ளது.இதுதொடர்பாக கட்சியின் அரசியல் தலைமைக்குழு சனிக்கிழமை வெளியிட்டுள்ள அறிக்கை வருமாறு:-பெண்கள் மீதான பாலியல் வன்முறை கள் தொடர்பான விஷயத்தில், குற்றங்களின் தன்மை குறித்தும் தண்டனை நடைமுறை குறித்தும் மத்திய அரசு திடீ ரென அவசரச்சட்டம் ஒன்றை பிறப்பித்துள்ளது. இதை மார்க்சிஸ்ட் கம்யூ னிஸ்ட் கட்சியின் அரசியல் தலைமைக்குழு ஏற்றுக்கொள் ளவில்லை. இன்னும் மூன்று வார காலத்தில் நாடாளுமன்றம் கூடவுள்ள நிலையில், இப்படி அவசரச்சட்டம் பிறப்பிப்பது ஜனநாயக விதிகளுக்கு எதி ரானது. 

இந்த அவசரச்சட்டமா னது, வர்மா குழுவின் பரிந் துரைகளை நிராகரிக்கிறது. குறிப்பாக, பாலியல் வன் புணர்ச்சி என்பதை சட்டத் தில் பாலின ரீதியான குற்ற மாக குறிப்பிடவேண்டும்; இது போன்ற குற்ற வழக்குகளில் தங்களது கடமையைச் செய் யத் தவறிய அரசு அதிகாரிக ளுக்கு தண்டனை அதிகரிக் கப்பட வேண்டும்; ஆசிட் வீச் சுக்கு உள்ளாக்கப்பட்டு பாதிக் கப்பட்ட பெண்களுக்கு நிவார ணம் அளிப்பது உத்தரவாதப் படுத்த வேண்டும்; இதுதொடர் பான குற்றங்களுக்கு தண்ட னை அதிகரிக்கப்பட வேண் டும் போன்றவை வர்மா குழு அறிக்கையில் இடம்பெற் றுள்ள இதர பரிந்துரைகளைப் போலவே மிகுந்த முக்கியத் துவம் வாய்ந்தவை.

 எனவே, இதை மறுதலித்த தன் மூலம் வர்மா குழு அறிக் கைக்கு இந்த அவசரச் சட்ட மானது அநீதியை இழைத்துள் ளது; அதுமட்டுமல்ல, சட்டத் தில் திருத்தம் கொண்டு வந்து, பாதுகாப்புப் படையினரையும் இந்தக்குறிப்பிட்ட குற்றவியல் சட் டத்தின் வரையறைக்குள் கொண்டுவருவது உள்பட, அரசின் பொறுப்பு குறித்து எழுப்பப்பட்டுள்ள மிக முக்கிய மான அம்சங்களை திசை திருப்பும் விதமாகவும் அமைந் துள்ளது.அதேபோல, மரணதண் டனை விதிப்பதை பொறுத்த வரை, அரிதிலும் அரிதான வழக்கு என்ற புரிதல் ஏற்கெ னவே சட்ட வரையறையின் ஒரு பகுதியாகவே இருக்கிறது; அதனடிப்படையில் பாலியல் வன்புணர்ச்சி மற்றும் கொலை வழக்குகளை அதில் இணைத்துக்கொள்ள வேண் டும் என்று நீதிபதி வர்மா குழு வினால் வலியுறுத்தப்பட்டது என்பது குறிப்பிடத்தக்கது.

நன்றி - தீக்கதிர் நாளிதழ்

 

விஸ்வரூபம் தீர்வு - யாருக்கு மிகப் பெரிய இழப்பு?

விஸ்வரூபம் பிரச்சினை ஒரு வழியாக முடிவுக்கு வந்து
விட்டது.

இதனால் யாருக்கு மிகப் பெரிய இழப்பு?

ஏழு காட்சிகளை வெட்டியதால் கமலஹாசனுக்கா?

இல்லை இஸ்லாமிய அமைப்புக்களுக்கா?

தான் நினைத்தது நடக்காமல் போனதால் ஜெ விற்கா?

குழம்பிய குட்டையை மேலும் குழப்ப நினைத்த கலைஞருக்கா?

இஸ்லாமியர்கள் மீது துவேஷத்தை உருவாக்க நினைத்த
பரிவாரப் படைக்கா?

இல்லை, இல்லை, இவர்கள் யாருக்குமே இல்லை.

கடந்த பத்து நாட்களாக விஸ்வரூபம் பிரச்சினையை
முன் வைத்து ப்ளாக்கில் எழுதி வந்த பதிவர்களுக்கும்
முகநூலில் ஸ்டேட்டஸ் போட்டு வந்தவர்களுக்கும்தான்.

அடுத்து இது போல சூடான பிரச்சினை எப்போது வருமோ?

பின் குறிப்பு : ஹி ஹி ; நான் கூட விஸ்வரூபம் பிரச்சினை
பற்றி மூன்று பதிவு எழுதினேன்.

வேறு மேட்டர் இல்லாததால் இதையே பதிவாக்கி விட்டேன்

எச்சரிக்கை, எச்சரிக்கை, எச்சரிக்கை

பாங்க் ஆப் அமெரிக்கா வெளியிட்டுள்ள ஒரு குறிப்பு இவ்வாறு சொல்கிறது.

“ சிங்கப்பூரில் முதலீட்டாளர்களை சந்தித்த இந்திய நிதியமைச்சர் ப.சிதம்பரம், இன்சூரன்ஸ்துறையில் அன்னிய நேரடி முதலீட்டு வரம்பை உயர்த்துவதையும் பென்ஷன் மசோதாவையும் நிறைவேற்றுவதையும் நாடாளுமன்றத்தின் பட்ஜெட் கூட்டத்தில் செய்து முடிப்பதாக உறுதியளித்துள்ளார்.

கூச்சல் ஒரு புறம் இருந்தாலும் எதிர்க்கட்சிகளோடு பேச்சுவார்த்தை நடந்துள்ளதாகவும் ஆதரவு கிடைத்துள்ளதாகவும் அவர் கூறியுள்ளார்.”

இது இந்தியர் அனைவருக்குமான அபாய அறிவிப்பு. அவர்களின் சேமிப்பை பன்னாட்டுக் கம்பெனிகளின் பாக்கெட்டுக்களுக்கு மாற்ற நடக்கும் சதி.

மசோதா வரும்போதுதான் விலை போன கொள்கைக் குன்றுகள் யார் யார் என்று தெரியும்.

திரைகடல் ஓடியும் திரவியம் தேடு – பழமொழி

திரைகடல் ஓடி அனைத்தையும் அழி – இது ப.சி மொழி.

வேட்டி கட்டிய இந்த தமிழன் பிரதமராக வேண்டுமாம்?