சிறைக்குள் “முற்றுகை”

 

 

சிறைச்சாலையில் உள்ள கைதிகள் படிப்பதற்காக “கூண்டுக்குள் வானம்” என்ற பெயரில் புத்தகங்களை தானமாக பெறும் திட்டத்தை சிறைத்துறை தொடங்கியுள்ளது. சென்னைப் புத்தக விழாவிலேயே அதற்காக ஒரு தனி அரங்கமே செயல்பட்டது.

 வேலூர் புத்தக விழாவிலும் சிறைவாசிகளுக்கான நூல்களை சேகரிக்க ஒரு அரங்கம் இருப்பதை அறிந்து நான் எழுதிய “முற்றுகை” நாவல் இரண்டு பிரதிகளையும் கூடுதலாக இருந்த தோழர் இரா.ஜவஹர் எழுதிய “மகளிர் தினத்தின் உண்மை வரலாறு”  பிரதியையும் எடுத்துச் சென்றேன்.

 அந்த அரங்கம் சென்ற போது முக மலர்ச்சியோடு புத்தகங்களை வாங்கி ஒரு பதிவேட்டில் எழுதி ரசீதும் கொடுத்து புகைப்படமும் எடுத்தார்கள்.

 உண்மையிலேயே மனது நிறைவாக இருந்தது.