கொஞ்சம் ஓவராதான் போயிடுச்சு

கடந்த ஞாயிறு சென்னைக்கு புத்தகத் திருவிழாவிற்கென்றே பிரத்யேகமான பயணம். இடையில் போட்டோ பிரியர்களுக்கெனவே புதிதாக உருவாக்கப்பட்டுள்ள க்ளிக் ஆர்ட் மியூசியத்தில் சின்ன இடைவேளை. அது பற்றி பிறகு எழுதுகிறேன்.

புத்தகத் திருவிழாவின் இடம் மாறியுள்ளது, ஒரு விதத்தில் எனக்கு வசதியாக இருந்தது. நுழைவாயிலில் இருந்து கண்காட்சி அரங்கிற்கு உடனே செல்ல முடிந்தது. நீண்ட தூரம் நடக்கும் சிரமம் இல்லாமல் இருந்தது என்னைப் போல காலில் பிரச்சினை உள்ளவர்களுக்கு ஒரு வரமே.

வழக்கம் போலவே சில அரங்குகள் பரபரப்பாகவும் பல அரங்குகள் மந்தமாகவும் இருந்தது. இந்த முறை அவசியம் வாங்க வேண்டிய நூல்கள் என மனதில் ஒரு பட்டியல் இருந்ததால் பெரும்பாலானவற்றை சரியாக வாங்க முடிந்தது. அப்படியும் நான்கு நூல்கள் தவறி விட்டது.

ஏற்கனவே முடிவு செய்த நூல்கள், நன்றாக இருக்கும் என்று நம்பி வாங்கிய நூல்கள் என்று இந்த முறை வாங்கியது கொஞ்சம் அதிகம்தான். பட்ஜெட்டை விட அதிகமாகவே போய் விட்டது. வாங்கிய மூன்று நூல்களின் ஆசிரியர்கள், தோழர் ச.சுப்பாராவ், தோழர் செ.சண்முகசுந்தரம், தோழர் காஸ்யபன் ஆகியோர் எங்கள் அகில இந்திய இன்சூரன்ஸ் ஊழியர் சங்கத்தின் தோழர்கள் என்பது ஒரு தனிப்பெருமை. இதிலே தோழர் காஸ்யபன் மட்டும் எல்.ஐ.சி பணியிலிருந்து ஓய்வு பெற்றவர்.

எனக்கு கால்வலியும் என்னோடு இந்த வருடம் உடன் வந்து வாங்கிய நூல்களை சுமந்து கொண்டிருந்த மகனுக்கு கைவலியும் ஒரே நேரத்தில் வர, முடித்துக் கொள்வோம் என முடிவெடுத்து வெளியே வந்தோம். “காலச்சுவடு” அரங்கம் அப்போதுதான் கண்ணில் பட்டது. போய்த்தான் பார்ப்போமே என்று ஒரு சபலம் வந்தாலும் எடுத்த முடிவில் உறுதியாக வெளியே வந்து விட்டேன்.

புத்தகங்களை வாங்கும் போது ஏற்படாத மலைப்பு, என்னென்ன நூல்கள் வாங்கினோம் என்பதை பதிவு செய்த போதுதான் வந்தது. கொஞ்சம் ஓவராத்தான் போய்ட்டோம் போல என்று தோன்றியது. கடந்தாண்டு முழுதும் படித்த நூல்களின் எண்ணிக்கையும் ஞாயிறு ஒரு நாள் அன்று வாங்கிய நூல்களின் எண்ணிக்கையும் கிட்டத்தட்ட சமமாக உள்ளது.

அத்தனையையும் எப்போது படித்து முடிப்பது என்ற கேள்வி வந்தாலும் முடியும் என்ற நம்பிக்கையும் இருக்கிறது. கடந்த புதன் அன்று மேற்கொண்ட நீண்ட பயணத்தில் ஒரு பெரிய நாவலையும் இன்னும் இரண்டு நூல்களையும் படித்து முடித்தேன். இன்று எதிர்பாராமல் வாணியம்பாடி செல்ல நேரிட்டது. இந்தப் பயணத்திலும் இரு சிறு நூல்களை படிக்க முடிந்தது. இன்று காலையிலிருந்து மின்சாரம் கிடையாது. இன்வெர்ட்டர் பேட்டரியும் தீர்ந்து போய் விட்டதால் ஆறு மணி வரை படிப்பது மட்டுமே ஒரே வழியாக இருந்தது. இந்த மாதத்தில் இதுவரை மூன்று பயணங்கள் திட்டமிடப்பட்டது. இன்னும் ஏராளமான பயணங்கள் காத்திருக்கிறது. ஆகவே அனைத்தையும் படித்து முடித்திட முடியும் என்ற நம்பிக்கை அபரிமிதமாகவே இருக்கிறது.

புத்தகப் பட்டியல் கீழே இருக்கிறது. மற்ற நூல்கள் படிப்பதற்கென்றால் கடைசி நான்கு நூல்கள், படித்து முயற்சிப்பதற்கு. படித்தவற்றுள் சிறப்பாக உள்ளவை பற்றியும் நிச்சயமாக பகிர்ந்து கொள்வேன். அனேகமாக நாளையே தொடங்கும்.

எண்	பெயர்	ஆசிரியர்	பக்கம்	விலை
1	லைபாக்லை ஆண்ட்டி	ச.சுப்பாராவ்	128	90
2	சிறையில் ஒரு குடும்பம்	ஐ.மாயாண்டி பாரதி	16	10
3	தொழிற்சங்கம் பற்றி அம்பேத்கர்	வெ.கோவிந்தசாமி
			46	30
4	அரசியல் பழகு	சமஸ்	48	20
5	ஒரு சாப்பாட்டு ராமனின் நினைவலைகள்	ச.தமிழ்ச்செல்வன்
			112	80
6	கோவை கலவரத்தில் எனது சாட்சியம்	ஏ.வி.அப்துல் நாசர்
			128	100
7	செய்தியின் அரசியல்	ஆர்.விஜயசங்கர்	16	10
8	புதுமைப்பித்தன் கதைகள்	புதுமைப்பித்தன்	144	100
9	பாரதி நினைவுகள்	யதுகிரி அம்மாள்	112	70
10	எழுத்துக்களை எரித்தல் கருத்துக்களை ஒடுக்குதல்	எஸ்.வி.ராஜதுரை
			394	300
11	மஞ்சள் பூ மர்மம்	காமிக்ஸ்	130	50
12	தமிழ் ஒளி	செ.து.சஞ்சீவி	128	50
13	வெள்ளாடுகளும் சில கொடியாடுகளும்	சோலை சுந்தரப் பெருமாள்
			128	70
14	நலம், நலமறிய ஆவல்	எஸ்.வி.வேணுகோபால்	32	20
15	மாநிற பட்டாம்பூச்சிகள்	கார்த்திகை பாண்டியன்	144	140
16	செகாவ் வாழ்கிறார்	எஸ்.ராமகிருஷ்ணன்	164	150
17	கூண்டுப் பறவையின் தனித்த பாடல்	கவிதா முரளிதரன்
			104	80
18	ஒற்றை வைக்கோல் புரட்சி	மசானபு ஃபுகோகா
			158	130
19	பாம்புத் தீவு	காமிக்ஸ்	130	50
20	அயோக்கியர்களும் முட்டாள்களும்	ஞானி
			96	70
21	போராட்டமே வாழ்க்கை	மயிலம்மா	92	80
22	மூன்றாம் பிறை	மம்முட்டி	128	80
23	நட்சத்திரங்கள் ஒளிந்து கொள்ளும் கருவறை	பவா. செல்லதுரை
			112	100
24	போயிட்டு வாங்க சார்	ச.மாடசாமி	63	40
25	ஆரியக் கூத்து	அ.மார்க்ஸ்	115	70
26	அவனது நினைவுகள்	தகழி சிவசங்க்ரப்பிள்ளை	125	100
27	முருகன் விநாயகன்	கௌதம சித்தார்த்தன்	44	40
28	வலம்	விநாயக முருகன்	335	310
29	ஒரு மனிதன், ஒரு உலகம்	ஜெயகாந்தன்	256	170
30	மதினிமார்கள் கதை	கோணங்கி	128	80
31	காலவேக மதயானை	குட்டி ரேவதி	126	100
32	ஊமையன் கோட்டை	கண்ணதாசன்	168	80
33	கடைசிப் பக்கம்	கண்ணதாசன்	124	70
34	சிவகெங்கைச் சீமை	கண்ணதாசன்	152	80
35	ஞாபகம் வருதே	சித்ராலயா கோபு	192	150
36	கந்தர்வன் கவிதைகள்	கந்தர்வன்	232	130
37	நிறங்களின் நிஜம்	செ.சண்முகசுந்தரம்	232	210
38	சிறைப்பட்ட கற்பனை	வரவர ராவ்	192	150
39	உறுபசி	எஸ்.ராமகிருஷ்ணன்	135	115
40	ஊழியின் தினங்கள்	மனுஷ்ய புத்திரன்	104	90
41	இந்தியா ஒரு வல்லரசு ஒரு வேடிக்கையான கனவு	அருந்த்தி ராய்
			64	50
42	வீழ்ச்சி	சுகுமாரன்	288	210
43	நீலக்குறிப்பேடு	இ.கலாகேவிச்	144	90
44	காப்கா எழுதாத கடிதம்	எஸ்.ராமகிருஷ்ணன்	208	200
45	டல்ஹௌசியின் ஆரஞ்சு இரவு	சம்யுக்தா மாயா	78	75
46	சீமானின் திருமணம்	ஜவான் துர்கதேவ்	95	45
47	களப்பிரர் ஆட்சியில் தமிழ்கம்	மயிலை சீனி வெங்கடசாமி	162	100
48	முதலாளியம் ஒரு பேய்க் கதை	அருந்த்தி ராய்	52	30
49	நாமசூத்திர்ர்கள் இயக்கம்	சேகர் பந்தோபத்யாயா	64	50
50	"இந்து" தேசியம்	தொ.பரமசிவன்	144	130
51	கிருஷ்ணா நதிக்கரையிலிருந்து	காஸ்யபன்	98	45
52	சாம்பலாகவும் மிஞ்சாதவர்கள்	கவின் மலர்	167	150
53	சூரியனுக்கு அருகில் ஒரு வீடு	மனுஷ்ய புத்திரன்	128	100
54	பேசாத பேச்செல்லாம்	ப்ரியா தம்பி	304	175
55	புள்ளிகள் கோடுகள் கோலங்கள்	பாரதி மணி	560	550
56	கார வகைகள்	ரேவதி சண்முகம்	78	60
57	மாவட்டச் சமையல்	ரேவதி சண்முகம்	88	60
58	டிபன் வகைகள்	ரேவதி சண்முகம்	80	60
59	சைவ சமையல்	ரேவதி சண்முகம்	152	140